Mwanamuziki wa Bongo Fleva, Amber Lulu amemjia juu Uchebe kwa kumwambia amkome na asitafute kiki kupitia yeye katika mitandao ya kijamii.

Kauli ya msanii huyo imekuja baada ya Uchebe kupost picha kwenye mtandao wa Instagram akiwa na msanii huyo kisha kuandika ‘mama kijaa’ akimaanisha kwamba ni mjamzito.

Akiijibu post hiyo kupitia mtandao huo huo wa Instagram Amber Lulu ameandika kuwa “Uchebe tuheshimiane usilete miamko yako nitakuvurugaa, mambo ya kijinga sitaki kama unatafuta kiki sio kwangu.

Pia amesema kuwa mama kijacho hiyo mimba umenipa wewe kaa kwa kutulia kaka koma tena koma, nina mnyamwezi wangu halafu namuelewa kichizi so please”.

Amber Lulu anadaiwa kuwa na ujauzito lakini yeye mwenyewe bado hajaweka wazi kama kweli ni mjamzito na haijajulikana ni nani aliyempa ujauzito huo.