Mwanamuziki wa Hip Hop nchini Kenya, Octopizzo amewatupia lawama mashabiki wa muziki nchini humo kwa kumpa zaidi nguvu Diamond Platnumz na kumuacha msanii wao Otile Brown akieleza kuwa wanakosa uzalendo.

Octopizzo alirusha madai hayo kupitia ukurasa wake wa Instagram, Mapema leo Disemba 1 2020 ambapo mashabiki baadhi walionesha kutokubaliana naye wakiitaja tofauti ya ukubwa na nguvu ya wasanii hao.

Octopizo anaonesha kutofurahishwa na hali hiyo ya mashabiki wa nchini Kenya kwakuwa pia zilishatoka ripoti kwa mujibu wa Grammy kuwa asilimia kubwa ya watazamaji wa video za muziki za Diamond kwenye mtandao wa Youtube ni Mashabiki kutokea Kenya.

Hata hivyo kwa sasa Diamond Platnumz katika chati mbalimbali anaendelea kuweka rekodi ya juu na wimbo wake ‘Waah!’ ft. Koffi Olomide ambao kwenye mtandao wa YouTube, video ya wimbo huo ina-trend namba nchini humo.