Mtayarishaji mkongwe wa muziki wa Bongo Flava, P. Funk Majani amewapongeza Swizz Beatz na Mkewe Alicia Keys kwa support wanayoitoka kwa muziki wa Tanzania.

Majani amewapongeza wawili hao kutokana na sapoti wanayoitoa kwa muziki wa Tanzania baada ya kuposti baadhi ya nyimbo za Singeli zinazoimbwa na wasanii wa Tanzania.

Shukrani ya P Funk imekuja baada ya Swizz Beatz kuonekana akicheza wimbo Chura Superstar wa Msanii wa Singeli nchini Tanzania, Meja Kunta na video yake akicheza wimbo huo kuiweka kwenye ukurasa wake wa Instagram.

Majani pia aliwakaribisha nyota hao nchini Tanzania kushirikiana kikazi na wana tasnia jambo alilolitaja kuwa litakuwa ni la heshima kubwa kwa kiwanda cha Muziki nchini.

Wasanii hao kuonekana kuwa ni mwenye mapenzi na muziki wa nchini Tanzania, Alicia Keys alishafanya kazi na Diamond Platnumz kwa kumshirikisha kwenye wimbo ‘Wasted Energy’ wa kwenye Album yake ya mwaka 2020, ‘Alicia’.