EP ya Zuchu iitwayo ‘I am Zuchu’ iliyotoka nchini ya wcb Wasafi imekuwa na jumla ya nyimbo 7 tofauti na awali ilivyotangazwa.

Awali ilitangaza kuwa itakuwa na nyimbo 5 ambapo Diamond alitoa taarifa kuwa nyimbo zote tano Zuchu amezikamilisha bila kumshirikisha msanii yeyote.

Usiku wa uzinduzi wa EP hiyo April 12 2020, katika utumbuizaji ziliongezeka kolabo mbili alizowashirikisha Mama yake Khadija Kopa na Mbosso kisha zikaachiwa rasmi kwenye mtandao.

Wimbo alioshirikishwa Malkia wa mipasho yaani Bi Khadija Omar Kopa unakwenda kwa jina Mauzauza´ na alioshirikishwa Mbosso unakwenda kwa jina “Ashua”.