Maduka ya City Mall na City Mall Cinema yamemchagua muigizaji wa Bongo Movie, Rammy Gallis kuwa balozi wa maduka hayo yaliyopo Mnazi-Mmoja jijini Dar es Salaam.  

Rammy amesema kuwa anamshukuru Mungu kwa kupata nafasi hiyo kwani kwa upande wake inaweza kumtoa sehemu moja kwenda nyingine jambo ambalo alikuwa akilitamani.

Maduka hayo yanajihusisha na uuzaji wa vitu mbali mbali ambao wamejikita zaidi jijini Dar es Salaam.

Baada ya kupewa ubalozi huo, muigizaji huyo amesema kuwa hiyo ilikuwa moja ya ndoto yake kuja kuwa balozi wa bidhaa kubwa kama ilivyokuwa kwa maduka hayo ya City Mall.

Pia muigizaji huyo amesema kuwa movie yake mpya aliyoigiza na marehemu Masogange nayo itaonyeshwa kwenye ukumbi wa Cinema za City Mall maeneo ya Mnazi Mmoja.