Mwanamuziki wa Bongo Fleva, Rich Mavoko amefunguka na kusema kuwa hana tatizo na uongozi wa WCB na yupo tayari kufanya nao kazi.

Mavoko amesema kuwa hana tatizo na uongozi huo ila kilichotokea ni masuala ya kikazi tu hivyo watu wasidhani kuwa kama wana bifu kati yao.

Rich Mavoko alitangaza rasmi kujiengua kwenye lebo ya WCB alipokuwepo kwa miaka kadhaa kutokana na matatizo ya kimkataba.

Kwasasa Rich Mavoko yupo chini ya uongozi mpya wa Bilionea Kid na tayari ameachia  nyimbo zake kadhaa kama Ndegele, Hongera, Naogopa na Navumilia.

Mavoko amefunguka na kuweka wazi kuwa pamoja na kuondoka WCB lakini hana tatizo na lebo hiyo iliyochini ya Mwanamuziki Diamond Platnumz.