Mwanamuziki wa Bongo Fleva, Gift Stanford maarufu kama Gigy Money amefunguka na kuweka wazi kuwa hawezi kuwasaidia watoto yatima ilihali familia yake pia inahitaji msaada kutoka kwake.

Kauli ya mwanamuziki inakuja baada ya kuambiwa je ipo siku atatoa msaada kwa watu wenye uhitaji ambao ni yatima au masikini wasiojiweza.

Gigy Money aliulizwa endapo ana mpango wa kufanya shughuli za kijamii ikiwemo kusaidia watoto yatima lakini Gigy Aliweka wazi kuwa hana Mpango wa kufanya hivyo.

Gigy Money amesisitiza kuwa hawezi kutoa Misaada kwa nia ya kujionyesha kwa Watu ili waone kweli anatoa halafu watu katika familia yake hawana msaada.

Mashabiki wengi wampongeza Gigy kwa kauli yake na kuwataka wasanii waache unafiki wa kutoa Misaada ya kuonekana wakati ndugu zao wanakufa kwa njaa.