Msanii wa muziki wa Bongo Fleva, Rich Mavoko amefunguka na kuweka wazi uhusiano wake na lebo yake ya zamani ya WCB baada ya kuondoka.

Rich Mavoko ameweka wazi kuwa pamoja na kwamba ameondoka katika Label hiyo lakini hana tatizo lolote na CEO wa Label hiyo Diamond Platnumz.

Rich Mavoko amesema kuwa kilichotokea mpaka akaondoka kwenye Label hiyo sio ugomvi bali muda wa kufanya Biashara ulifikia kikomo hivyo sasa wapo vizuri.

Pia Rich Mavoko amemtaka meneja wa WCB Sallam SK kuwa na busara na heshima ni baada ya Meneja huyo kusema Mavoko hajarudisha hata robo ya pesa waliyowekeza kwake na kumtengeneza kama Brand.

Mimi sitaki kuongelea sana hivi vitu kwa undani kila mtu anatakiwa kuheshimu kitu cha mwenzake ndio tuanze kuongeleana na kuongeleana vitu vibaya ni kutafuta mtu kujitetea”.

Mwanamuziki huyo kwasasa anafanya kazi na lebo yake ya Kid Milionea ambapo hadi sasa ameachia nyimbo mbili toka aachane na lebo ya WCB.