Mwanamuziki wa Bongo Fleva, Aslay amekanusha tetesi kuwa yeye ni miongoni mwa wanamuziki watano kutoka Tanzania wenye mkwanja mrefu.

Kauli ya mwanamuziki huyo inakuja kufuatia habari zilizozagaa mtaani kuwa Aslay ni miongoni mwa wasanii wenye mkwanja mrefu sana Bongo toka ajitoea Yamoto Band.

Aslay amesema kuwa siyo kweli kuhusu suala hilo japokuwa hela anayo lakini siyo kiasi kikubwa mpaka kuingia kwenye orodha ya wasanii watano kutoka nchini Tanzania wenye mkwanja mrefu.

Mwanamuziki huyo amesema kuwa hawezi kusema kiasi gani cha pesa alichokuwa nacho benki kwani ni siri yake ila hela ya kubadilishia mboga kwa upande wake anayo.

Aslay kwasasa anafanya vizuri katika muziki wake baada ya kujitoa Yamoto Band na sasa anasimamiwa na meneja wake anayeitwa Chambuso.