Mwanamuziki wa dansi nchini, Christian Bella amedai kuwa amekuwa akinyimwa fursa nyingi hapa nchini kwa kuwa yeye si Mtanzania kama walivyo wasanii wengine.

Muimbaji huyo ambaye ni raia wa Congo, amedai kama angekuwa ni Mtanzania kwa kazi za muziki alizofanya ikiwemo Nani Kama Mama tayari angekuwa ameshapewa hata tuzo za muziki.

Aliongeza, “Yaani namaanisha kama ningekuwa Mtanzania ningekuwa mbali zaidi, kwa sababu sio kwamba sipendwi napendwa sana na mashabiki mpaka na viongozi wa serikali, lakini nadhani kama ningekuwa Mtanzania kuna vitu vingi zaidi ningefanya au ningekuwa mbali zaidi,”

Muimbaji huyo amedai ‘Nani Kama Mama’ ni wimbo ambao ulitakiwa upewe tuzo lakini waliwepewa watu wengine wenye nyimbo za kawaida kwa madai yeye sio Mtanzania.