Mwanamuziki wa Bongo Fleva, Belle 9 amesema kuwa bado hajaongea na familia marehemu Agnes Masogange kuhusu kumsaidia mtoto wa marehemu kwasababu hakuwa na ukaribu na familia hiyo.

Belle 9 amesema kuwa aliifahamu familia ya Agnes Gerard “Masogange” baada ya kutokea msiba hivyo imekuwa ngumu kwa yeye kuwasiliana nao.

Belle 9 ameongeza kuwa alihuzunika sana kutokana na kifo cha msanii huyo kwasababu ya ukaribu waliokuwa nao.

Marehemu Agnes Gerard alipata umaarufu baada ya kushiriki  katika video ya wimbo wa msanii Belle 9 ulioitwa “Masogange” mwaka 2009.

April 20, 2018 Agnes Gerard “Masogange” alifariki Dunia Jijini Dar es salaam baada ya kuzidiwa na homa ya tumbo na upungufu wa damu na alizikwa nyumbani kwao Utengule-Mbalizi Mkoani Mbeya April 23, 2018.