Muigizaji Meryem Sarah Uzerli maarufu kama ‘Hurrem Sultan’ amezaliwa Agosti 12 mwaka 1983 ana uraia wa nchi mbili Uturuki na Ujerumani ni muigizaji na mwanamitindo maarufu nchini Ujeruamani na Uturuki.

Muigizaji huyo amepata umaarufu kwenye Tamthilia ya Muhteşem Yüzyıl maarufu kama ‘Sultan’ inayorushwa kupitia Chanel ya Azam Two hapa nchini.

Uzerli amezaliwa na kukulia katika mji wa Kassel nchini Ujerumani ameanza kazi yake ya kuigiza na kampuni ya filamu nchini Ujerumani.

Pia muigizaji huyo amewahi kugiza katika filamu ya Journey of No Return (2010) pamoja na filamu ya Jetzt aber Ballett mwaka huo huo.

Mwisho wa mwaka 2010 ndiyo alichaguliwa kugizaji kwenye Tamthilia ya Muhtesem Yuzyil ‘Sultan’ ambayo ilianza mwaka 2011 hadi mwaka 2013.

Baba yake mzazi muigizaji huyo ni Mturuki na mama yake ni Mjerumani ambaye pia ni muigizaji nchini Ujerumani.

Muigizaji huyo anaongea kijerumani kama lugha yake mama pamoja na kituruki na Kingereza kutokana na kuzawaliwa Ujerumani pamoja na kujifunza kituruki na Kingereza.