Mwanamuziki wa nyimbo za Injili kutoka nchini Kenya, Veronica Wanja ‘Nicah The Queen’ anadaiwa kupewa ujauzito na mwanamuziki kutoka lebo ya WCB, Harmonize.

Licha ya tetesi hizo kusambaa katika mitandao ya kijamii mwanamke huyo amekanusha taarifa hizo kwa kueleza kuwa hazina ukweli wowote.

Taarifa za ndani zaidi kutoka nchini Kenya zinaeleza kuwa kipindi cha nyuma Nicah The Queen na Harmonize walikuwa wakionekana pamoja.

Harmonize wiki iliyomalizika alikuwa nchini Kenya ambapo alitumbuiza katika show ya 10 Over 10 inayoruka kupitia Citizen TV.

Nicah The Queen hapo awali alitamba na nyimbo kama Pagawisha na Ushuhuda ila kwa sasa anafanya vizuri na wimbo unaokwenda kwa jina la Naringa.