Ndugu, jamaa na marafiki wa mwanamuziki wa Bongo Fleva, Alikiba wakiongoza na dada yake Zabibu Kiba wamewasili Mombasa nchini Kenya kwa ajili ya kuhudhuria harusi ya mwanamuziki huyo.

Tayari maandalizi muhimu yameonekana kuanza kukamilika huku watu wa karibu wa msanii huyo wameonekana kuanza kutua mjini Mombasa, Kenya kwa ajili ya kuhudhuria ndoa hiyo.

Baadhi ya picha tayari zimeanza kusambaa mitandaoni zikiwaonyesha watu hao akiwemo msanii wa filamu Bongo, Esha Buheti na dada yake Alikiba, Zabibu na wengine.

Alikiba anatarajiwa kufunga ndoa na mrembo Aminah Rikesh April 26, 2018 katika ukumbi wa Diamond Jubilee uliopo mjini Mombasa.