Mwanamuziki wa Bongo Fleva, Country Boy amefunguka na kusema kuwa bifu miongoni mwa wasanii ni nzuri kwasababu zinakuza muziki nchini.

Country Boy amedai bifu ni muhimu katika sanaa na bila kuwepo kwa bifu kunakuwa hakuna msisimko katika kazi za wasanii kwani ushindani unakuwa mdogo.

Pia Country Boy amesema kuwa, msisimko kwenye muziki unapungua kwa sababu wanamuziki wengi kwa sasa wanaogopa masuala ya bifu bila kufahamu wanalikosesha soko msisimko ambao ungekuwepo kama kunapotokea tofauti.

Kwa upande wa muziki wetu wa Bongo fleva moja kati ya bifu maarufu ni kati ya wasanii Diamond Platnumz na Ali Kiba ambao imesemekana kuwa bifu imewasaidia sana kuuza muziki wao.

Bifu ni kitendo cha kutokuwepo maelewano baina ya watu na hii inatumika baina ya wasanii ambapo kwa nchi za nje wasanii hutengeneza bifu ili kuuza kazi zao.