Mwanamuziki wa dansi kutoka  Jamhuri ya Kidemokrasi ya Congo, Werrason anatarajia kufanya show siku ya Jumamosi katika fukwe za Escape One Mikocheni jijini Dar es Salaam.

Katika mahojiano yake na waandishi wa habari, msanii huyo amesema kuwa hapa nchini anamfahamu Msanii Diamond Platnumz pekee maana amekuwa akimsikia mara kadhaa akitajwa huko Congo.

Hivyo amewaomba wasanii wa hapa nchini  wamtafute kuanzia leo ili wabadilishane mawazo na hata ikiwezekana kufanya klabo ya pamoja kabla ya siku yake ya kufanya shoo yake hiyo ya Jumamosi na ile ya Jumanne katika Uwanja wa CCM Kirumba jijini Mwanza.

Amesema kuwa “Waafrika ni kitu kimoja hivyo ningependa wiki hii moja ambayo nipo hapa nipate kubadilishana mawazo na wasanii wa hapa Tanzania’.

Werrason ni mwanamuziki aliyejizolea sifa kibao kutokana na vibao vyake mbali mbali pamoja kuwaibua baadhi ya wanamuziki kama vile, Felle Gola.