Muigizaji mkongwe wa vichekesho nchini, Mzee Majuto amesema kuwa ameshangaza baada ya Wema Sepetu kushinda tuzo ya msanii bora wa kike kwani  hawezi kumshinda Riyama Ally.

Mzee Majuto amesema kuwa kwa upande wa msanii bora wa kike aliyekuwa anastahili ni Riyama Ally kwani ana uwezo mkubwa wa kuigiza kushinda Wema Sepetu laini anashangaa tuzo hiyo kupewa Wema.

Mzee Majuto amesema kuwa kwake bado Riyama ni mkali na hawezi kufananishwa na Wema katika kuuvaa uhusika anapokuwa mbele ya kamera.

Pia Mzee ametaja sababu ambazo ameona ndizo zilizomwezesha Wema kushinda kuwa zimetokana na mambo ya kidijitali, kwa yeye kuwa na mashabiki wengi mtandaoni ambao waliweza kumpigia kura tofauti na wasanii wengine alioshindanishwa nao.

Katika kipengele hicho Wema alikuwa akichuana na wasanii nane na filamu walizoigiza kwenye mabano akiwemo Getrude Mwita (Bantu), Rachel Kayuga (Safari ya Gwalu), Aisha Mwajumla (Watatu), Riyama Ali (Mama wa Marehemu).

Wengine ni  Amina Rashid (Bandidu), Hawa Abeid (Genge), Sharifa Mansury (Kivuli cha ahadi).