Muigizaji wa Bongo Movie, Yobnesh Yusuf maarufu kama ‘Batuli’ amefunguka na kusema kuwa licha ya tasnia ya filamu kupoteza mwelekeo lakini atajitahidi kurudisha hadhi ya tasnia hiyo.

 Batuli alisema kuwa, filamu zilikosa mwelekeo na heshima ya tasnia hiyo kupotea kutokana na kazi mbovu walizokuwa wakitoa ndiyo maana kwa sasa amejikita katika kufanya uchunguzi wa mashabiki wanataka kitu gani.

Batuli amesema kuwa atarudi na kazi zenye maudhui mapya ambayo yatawashangaza Watanzania na zitarudisha heshima ya tasnia ya filamu.

Amesema kuwa “Filamu au tamthiliya ni biashara kama zilivyo nyingine na biashara yoyote lazima uangalie soko linataka nini kwa sababu wakati tulionao sasa ni tofauti na ule wa zamani, mashabiki wanataka kazi bora na siyo uchafu kwenye runinga zao hivyo nitarudisha heshima ya Bongo Muvi kutokana na kazi ninazokuja nazo”.