Mwanamuziki wa Bongo Fleva, Lady Jay Dee ameendelea kuonyesha ukongwe wake katika sanaa hiyo baada ya kutambulisha kibao chake kipya kiitwacho ‘Anaweza’.

Lady Jay Dee ameutambulisha wimbo huo sambamba na kutoa video ili kuwavuta karibu mashabiki wake ambao wanafahamu kiwango chake.

Lady Jay Dee amesema kuwa kibao hicho kimetengenezwa na mtayarishaji Spicy Judoka wa Nigeria huku video ikisimamiwa na Justin Compus Lutona wa Afrika ya Kusini na lengo la kuchanganya wataalamu hao ni kuhakikisha kazi yake inakuwa na hadhi ya kimataifa.

Alisema kuwa baada ya kukamilisha kazi hiyo, anajiandaa kufanya onyesho la muziki na tayari ameanza maandalizi kwa ajili ya kuwapa furaha mashabiki wake.

Aliwataja wasanii wengine ambao wanamuunga mkono kuwa ni Rutta Bushoke, Nikki Mbishi na Judoka anayeimba muziki wa Hip Hop na kueleza kuwa nyota wengine atawatangaza hapo baadaye.

Lady Jay Dee amesema kuwa ‘Nimeamua sasa kuwa nitafanya haya matamasha mara kwa mara ili mwisho wa siku muziki wangu uendelee kuishi miongoni mwa mashabiki wangu kwa sababu tukisema ukweli ndio kitu ninachokipenda muziki.