Mwanamuziki wa Bongo Fleva, Vanessa Mdee maarufu kama ‘Vee Money’ amefunguka na kuweka wazi kuwa mauzo ya albamu yake yanafanya vizuri sana.

Vanessa amekiri kuwa ameshangazwa na mauzo ya albamu hiyo na muitikio wa watu ambao ni mashabiki zake waliojitokeza kwenye ununuzi wa albam hiyo.

Pia Vanessa amesema kuwa hayakuwa mategemeo yake hasa ukizingatia kutoa albamu sio kitu ambacho kimezoeleka.

Kwa muda mrefu wasanii wa Bongo fleva walikuwa hawatoi albamu kwa kuogopa kutopata maslahi lakini hivi sasa jambo la albamu limerudi mezani tena na wasanii Kama Vanessa, Chin Bees na Diamond wameshatoa albamu zao.