Producer mkongwe Bongo, P Funk ‘Majani’ amesema sababu kubwa ya wasanii wa zamani ngoma zao kudumu sokoni kuliko wa sasa ni kutokana na wasanii hao kufanya muziki kwa upendo mkubwa.

Kauli yam kali huyo kutokea Bongo Records imekuja kutokana na ngoma za wasanii wa sasa kutodumu sokoni ukilinganisha na wa zamani.

P Funk amesema, wasanii wa zamani walikuwa na moyo wa kujituma, walikuwa wanafanya muziki kutoka moyoni na walikuwa wanasota sana kuyahangaikia mafanikio.

Amesema “Wasanii walikuwa wanatoka mbali kusaka studio, walikuwa wanahaso sana kupiga kwenye kumbi ndogondogo, walikuwa wanahangaika hadi kutoka na ndiyo maana walikuwa wakifanikiwa kutoka na kweli ngoma zao zinaishi,”.

Pia P Funk amesema wasanii hao walikuwa wanafanya muziki si kwa kutanguliza fedha mbele, walikuwa wanafanya muziki kwa sababu walikuwa na mapenzi ya dhati na muziki.

Alipoulizwa kama ana mpango wowote wa kufanya kazi ya pamoja na wasanii wake wa zamani, P Funk alisema kwa sasa amejikita zaidi kufanya kazi na vijana wapya.