Mwanamuziki wa Bongo Fleva, Madee ambaye ni shabiki wa Arsenal amefunguka kuwa Manchester United ndio timu anayoichukia zaidi duniani na hawezi kuishabikia kwa namna yoyote.

Kauli hiyo ya Madee imekuja masaa machache tu baada ya Manchester United kutupwa nje kwenye michuano ya Ligi ya mabingwa Ulaya na Sevilla ya Hispania kwa kufungwa mabao 2-1 nyumbani.

Madee pia amesema hata ikitokea shabiki wa Manchester United anataka kupiga naye picha kama atakuwa amevaa jezi ya timu hiyo basi hawezi kukubali kupiga naye kwani anaichukia.

Mkali huyo wa mziki pia amesema yeye bado ana imani kubwa na Wenger na anataka kocha huyo aendelee kuifundisha Arsenal kwani ana uwezo mkubwa ila timu tu inapitia kipindi cha mpito.