Mwanamuziki wa Bongo Fleva, Dogo Janja amesema kuwa kwa upande wake mwanamke ambaye amemkosha kwa mwaka huu ni mjasiriamali, Carol Ndosi kutokana na kujituma kwake.

Dogo Janja amesema kuwa Carol Ndosi amemvutia kutokana na namna anavyojituma hata kuiingizia serikali pato la taifa.

Amesema kuwa “Carol kiukweli ‘ananiinsipaya’ sana. Ni mwanamke shujaa kwangu kwa mwaka huu. Tazama matamasha yake aliyokuwa anaandaa kama vile la Nyama Choma Festival. Unaona kabisa ni mbunifu na kupitia matamasha hayo ameweza kuliingizia taifa pato kubwa!”.

Mwanamuziki huyo kwasasa anatamba na wimbo wake mpya unaokwenda kwa jina la Wayu Wayu aliouachia jana.