Meneja wa WCB, Sallam SK amesema kuwa wameshangazwa kufungiwa kwa nyimbo mbili za Diamond wakati kabla ya kuachiwa zinakaguliwa na Mkuu wa Mkoa, Paul Makonda.

Sallam SK amesema kuwa kabla ya kuachia nyimbo radio au video lazima zikaguliwe na mlezi wa WCB, Paul Makonda kwa hiyo wanashangazwa kufungukiwa kwa nyimbo hizo mbili za Diamond Platnumz.

Kupiti akaunti yake ya Instagram Sallam amesema kuwa wamesikitishwa sana kufungiwa kwa nyimbo hizo mbili za Diamond huku akidai kuwa hawajui sababu ya kufungiwa kwa nyimbo hizo.

Pia Sallam amesema kuwa mlezi wao Makonda atatoa maelezo Zaidi ya hayo kuhusu kufungiwa kwa nyimbo hizo japokuwa hawakupata barua za kufungiwa kwa nyimbo hizo.

Nyimbo mbili za Diamond Platnumz, Waka Waka na Hallelujah ni miongoni mwa niymbo 13 zilizofungiwa na mamlaka ya mawasiliano Tanzania (TCRA) kutokana na kukosa maadili.