Mwanamuziki wa Bongo Fleva, Mimi Mars amekanusha kutoka kimapenzi na mwanamuziki mwenzake Diamond Platnumz.

Mimi Mars amefunguka hayo baada ya video iliyowahi kusambaa katika mitandao ikionyesha akicheza wimbo wa Diamond unaokwenda kwa jina la Eneka.

Mwanamuziki huyo amesema kuwa habari hizo hazina ukweli wowote ila alichofanya yeye ni kucheza wimbo wa msanii huyo pekee na alikuwa hajua kama ni wa Diamond kwa wakati huo.

“Haina ukweli kabisa, kwanza cha kushangaza ni kwamba wakati nilikuwa nacheza huo wimbo nilikuwa hata sijajua kama ni wa Diamond,”.

Ameongeza kuwa anataka kusikika na kuonekana katika masikio na macho ya mashabiki lakini si kwa mtindo huo na ni kitu kilichomsumbua kidogo. Mimi Mars kwa sasa anatamba na ngoma mpya inayokwenda kwa jina la Papara.