Mwanamuziki wa Bongo Fleva, Joh Makini amefanya show ya kufa mtu kwenye Tamasha la Mic Tata lililofanyika katika ukumbi wa Dar Live Mbagala jijini Dar es Salaam.

Joh Makini ameonesha kugusa nyoyo za watu baada ya mashabiki kuangusha shangwe wakati alipopanda jukwaani kutoa burudani kwa mashabiki hao waliofika ukumbini hapo.

Joh aliimba nyimbo zake pamoja na za kundi lake la Weusi kama vile Naliamsha Dune, Yakulevya, pamoja na Nicome.

Mbali na Joh Makini wasanii wengine waliotoa show katika onesho hilo ni Man Fongo, Dulla Makabila, Barnaba pamoja na Inspector Haroun.