Muigizaji nyota wa Bongo Movie, Jacqueline Wolper amefunguka na kuwachana baadhi ya watu wanaoponda kushuka kwa Bongo Movie hapa nchini.

Wolper amefunguka hayo baada ya baadhi ya watu kuwadharau waigizaji wa Bongo Movie kwasababu wameshindwa kurudisha hadhi za Bongo Movie kama ilivyokuwa enzi za marehemu Steven Kanumba.

Wolper amewaataka watu hao kuacha kuwachukulia poa waigizaji wa Bongo Movie kwani kazi hiyo ndiyo inayosababisha waishi na kutatua matatizo yao hivyo si vizuri kukaa na kuwasema japokuwa soko la movie hizo limeshuka.

Pia muigizaji huyo amesema kuwa hivi karibuni Bongo Movie itarudi kwenye chati kama zamani kwani wamepata director mpya kwa ajili ya kuanza kazi mpya.

Bongo Movie kwasasa imeshuka kutokana na waigizaji wake kukosa ubunifu mpya kwenye kazi zao mpaka kupelekea watazamaji kususia na kuamua kutazama movie za nje.