Mwanamuziki wa Bongo Fleva, Mimi Mars amefunguka na kumwagia sifa mwanamuziki mwenzake Jux ambaye ni shemeji yake kwa dada yake Vanessa Mdee.

Mimi Mars amesema kuwa Jux ni mtu mwenye upendo na heshima kwa kila mtu na ni zaidi ya shemeji kutokana na upendo anaomuonyesha.

Pia amesema kuwa anashukuru sana anavyompenda dada yake Vanessa hivyo anaona anamfanya kuwa mtu bora katika kazi na hata maisha yao ya kawaida na anawaombea wafike mbali kwenye mahusiano yao.

Vile vile Mimi Mars amesema kuwa kama mwanafamilia anafahamu Jux na Vanessa wana mipango yao mikubwa mbele ya safari kuhusu familia pamoja na kazi yao ya muziki.

Mimi Mars ambaye hana muda mrefu kwenye gemu lakini amefanya nyimbo kali zikiwemo Nadata, Shuga na wimbo mpya wa Sitamani.