Kundi la WCB jana wamemtambulisha mwanamuziki wake mpya, Maromboso katika viwanja vya Temeke Mwembe Yanga jijini Dar es Salaam.

Maromboso ametambulishwa rasmi kuwa mwanamuziki mpya wa lebo hiyo maarufu nchini ambapo utambulisho wake wa awali ulifanyika Hayyatt Regency na wa pili umefanyika jana katika uwanja wa Membeyanga.

Katika utambulisho huo mwanamuziki huyo alisindikizwa na wasanii wenzake wa lebo hiyo ya WCB ambao ni Rich Mavoko, Harmonize, Lavalava, Rayvanny, Queen Darleen pamoja na bosi wao Diamond Platnumz.

Maromboso alitamba na kundi la Yamoto Band ambapo kwasasa kila mmoja anafanya kazi kimpango wake baada ya kusambaratika kwa kundi hilo.