Mwanamuziki wa Dansi nchini, Papii Kocha amesema kuanzia mwezi huu ataanza kuachia ngoma zake mfululizo baada ya kukamilika kurekodi nyimbo hizo.

Papii amesema mpaka sasa tayari wameshafanya ngoma nne ambazo amerekodi kwa staili tofauti katika dansi la kisasa.

Mwanamuziki huyo ambaye hivi karibuni alitoka jela kwa msamaha wa Rais Magufuli amesema kuwa staili yao ya sasa ipo kama walivyokuwa wanafanya kundi la Yamoto Band.

Pia Papii Kocha amesema kuwa wamefanya nyimbo moja kama ya dini pamoja na kurudia nyimbo ya ‘Seya‘.

Papii alisema, atakuwa na mfululizo wa kutoa ngoma mbili mbili zenye ujazo wa hali ya juu ambazo amefanya na baba yake Nguza Viking maarufu kama Babu Seya.

Nyimbo zao zote wanamuziki hao zimefanyika katika Studio ya Wanene iliyopo Mwenge jijini Dar es Salaam.