Mwanamuziki wa Bongo Fleva, Diamond Platnumz amefunguka na kusema kuwa anatarajia kufungua kiwanda cha karanga nchini Rwanda.

Diamond amesema kuwa hivi karibuni ana mipango mikubwa na bidhaa hizo kwa upande wa uwekezaji ambapo amesema mipango yake ni kujenga kiwanda cha Diamond karanga nchini Rwanda.

Diamond anaamini kuwa endapo mpango huo utakamilika, kiwanda hiko kitatoa fursa za ajira na kwamba lengo la biashara yake ni zaidi ya kupata soko nchini humo.

Hata hivyo ameeleza kuwa wasanii wanapaswa kufanya muziki si tu kuburudisha, lakini pia uwe ni chanzo cha biashara inayoweza kuwanufaisha watu wengi.

Kupitia mtandao wake wa Instagram Diamond amepost picha akiwa na wasanii wa Rwanda wakipata Dinner na kushare experience kuhusu muziki.