Mwanamuziki wa Bongo Fleva, Bright amefunguka na kusema kuwa hakuna mwanamuziki yeyote anayeweza kumhofia katika utendaji wake wa kazi kwa madai muziki wake una uwanja mpana sana.

Bright amesema hayo baada ya taarifa kuwa wasanii wengi wanaochipukia wanashindwa kufanya vizuri katika kazi zao kwa kuhofia uwepo wa Aslay kutoka na kazi zake anazoziachia mara kwa mara.

“Mimi napambana na yeyote ambae anafanya vizuri katika ‘game’, kwa sababu muziki wangu una uwanja mpana na kila mtu anafahamu Bright anafanya kitu gani na sijawahi kuwa na ‘stress’ za mtu yeyote katika hii ‘game’, kwa sababu mimi ninachokifanya ninakiamini pia nashukuru ninachofanya kina kubarika watu wana-support mimi naendelea kufanya kazi bora kila siku”.

Pia Bright amesema anawashukuru mashabiki zake kwa kuipokea vizuri kazi mpya ya sina huku akiwaahidi kuendelea kuwapa vibao vikali kila baada ya miezi mitatu kutoka sasa.