Mwanamuziki wa Bongo Fleva, Dito amewajia juu baadhi ya watu wanaomsema na kumbeza msanii wa hip hop Bongo, Chid Benz baada ya kukamatwa kutokana na madawa ya kulevya.

Wiki chache zilizopita Chid Benz alikamatwa kwa mara nyingine mjini Dodoma ambapo alikuwa amebeba madawa ya kulevya aina ya ‘heroin’.

Hii siyo mara ya kwanza kwa chid Benz kuwekwa hatiani amekuwa akitumia madawa hayo kwa muda mrefu sasa.

Dito amewajia juu wale wote waliokuwa marafiki na washkaji wa Chid Benz ambao kwa sasa wanamsema vibaya na kumbeza msanii huyo kutokana na matatizo yake ya muda mrefu, Dito amedai sio vyema kumsema kwani hawatibu ugonjwa kwa kumsema.

Tangu Chid Benz ajiingize katika matumizi hayo ya madawa ya kulevya jitihada mbali mbali za kumsaidia zimefanywa na watu kadhaa bilamafanikio yoyotr mara ya mwisho Babu Tale alimpeleka Chid Benz sober house Bagamoyo lakini aliondoka baada ya muda mfupi kisha kurudia tena madawa ya kulevya.