Mwanamuziki wa Bongo Fleva, Quick Rocka amekanusha tetesi zilizokuwa zikiendelea mitandaoni kuwa yupo kwenye uhusiano wa kimapenzi na msanii Alice Kella.

Taarifa za wawili kutoka kimapenzi zilianza kusambaa kusambazwa na msanii Alice kwa kuweka picha mtandaoni na kuandika maneno “mume wangu nampenda sana” ambayo  yalitafsiriwa kuwa ni wapenzi.

Aidha Quick Rocka amesema kwamba  hakuna mahusiano yoyote ya kimapenzi kati yao bali picha ambazo zilisambaa ni sehemu ya kazi zao za filamu.

Amesema kuwa “Mimi na Alice hatuna mahusiano yoyote yale na zile picha ni series tu ambayo tunaifanya ndio tulikuwa tunafanya photoshoot na hakuna kingine chochote kinachoendelea kati yetu zaidi ya kazi na Alice ni kama mdogo wangu hivyo watu wasichukulie tofauti”.

Msanii Quick Rocka kwa sasa  ni moja kati ya wasanii wakongwe na bado wanaendelea kufanya muziki na anafanya vizuri  huku akiwa anasimamia kundi la muziki liitwalo OMG.