Aliyewahi kuwa mgombea Ubunge wa Jimbo la Ilala kwa tiketi ya CHADEMA, Muslim Hassanali leo ametangaza kukihama cha hicho na kujiunga CCM.

Hatua hiyo ya Hassanali inakuja katika kipindi ambacho wanasiasa wengi  wa vyama vya upinzani wakiwemo Wabunge na Madiwani wamekuwa wakivihama vyama vyao na kukimbilia CCM.

Kiongozi huyo ambaye pia alikuwa mjumbe wa bodi ya wadhamini wa CHADEMA,  amepokelewa na Makamu Mwenyekiti wa CCM Bara, Philip Mangula akiwa na viongozi wengine wa CCM katika ukumbi wa Checkpoint Pugu jijini Dar es salaam.

Baada ya kukabidhiwa kadi ya CCM, Assanali amesema kuwa ameikosoa serikali vya kutosha na sasa ni muda wa kuungana nayo kwasasa ili kutelekeza yale ambayo aliyokuwa anayakemea.

Katibu wa Itikadi na Uenezi wa CCM, Hamphrey Polepole amesema Hassanali ameomba kwa muda mrefu hivyo wameona hakuna jinsi zaidi ya kumruhusu.