Muigizaji wa Bongo Movie, Batuli amesema kuwa watu wanaoweka picha za utupu mtandaoni wengi wao si wasanii.

Batuli amesema kuwa tasnia ya filamu na muziki inachafuliwa na watu ambao wanajifanya wao ni wasanii kumbe sio wasanii ila wanatumia muamvuli wa usanii.

Muigizaji huyo amesema hayo baada ya Naibu Waziri wa Habari,Juliana Shonza kumtaka Gigy Money kuripoti ofisi kwake kutokana na kupiga picha za nusu uchi.

Pia naibu waziri Shonza amempiga marufuku mwanadada Pretty Kind anayedaiwa kuwa ni msanii wa filamu akifungiwa miezi 6 kujihusisha na kazi za sanaa kutokana na kuweka picha za utupu mtandaoni.

Hatua hiyo ya kuwafungia wasanii inakuaja baada ya agizo la Rais Magufuli kwa wizara husika kufuatilia wasanii ambao wanavaa mavazi ya nusu utupu kwenye video zao za muziki pamoja kuweka picha hizo mtandaoni.