Mwanamuziki mkongwe wa Hip Hop nchini, Chid Benz anashikiliwa tena  na jeshi la polisi mkoani Dodoma kwa tuhuma za kukutwa na dawa za kulevya.

Akithibitisha taarifa hizo Kamanda wa Polisi wa Mkoa wa Dodoma, SACP, Giless Muroto amesema kwamba ni kweli msanii huyo alikamatwa.

Kamanda Muroto amesema “Ni kweli Chidi Benz mnamo tar 30/12/2017, tulimkamata akiwa yeye na mke wake na vijana wawili. Tumemkamata akiwa na dawa za kulevya zidhaniwayo kuwa ni Heroine.

Kamanda Muroto ameongeza kwa kusema kuwa Jalada lake lipo tayari kwa Mwanasheria wa wa serikali linafanyiwa uchunguzi na muda wowote watapelekwa mahakamani”.

Hii inakuwa mara ya tatu kwa msanii huyo kukamatwa na madawa ya kulevya katika maisha yake ya usanii.