Klabu ya Liverpool itaomba malipo ya juu zaidi kutoka kwa Barcelona kabla ya kufikiria kumuuza kiungo wake wa kati raia wa Brazil Philippe Coutinho.

Mabingwa hao wa Uhispania wameambiwa kuwa itawagharimu dola milioni 160 kumleta Coutinho huko Nou Camp.

Napoli watakuwa tayari kumruhusu beki Faouzi Ghoulam, 23, kuhamia Manchester United kwa pauni milioni 53, wakati wanakamilisha juhudi za kumsaini mchezaji ambaye atachukua mahala pake kwa pauni milioni 26.6 mhispania Alejandro Grimaldo kutoka Benefica.

Matumaini ya Chelsea kumshawishi beki raia wa Italia Giorgio Chiellini kuhamia Stamford Bridge, yamepata pigo baada ya kudaiwa kusema kuwa ataongeza mkataba wake na Juventus.

Swansea wanajaribu kumpata mshambuliaji wa West Ham Diafra Sakho lakini pia watatoa ofa kwa Alfie Mawson 23, au mkorea Ki Sung-yeung,28.

Huddersfield wametoa ofa ya kumsaini mlinzi wa Monaco raia wa uholanzi Terence Kongolo kwa mkopo.

Real Madrid wanajiandaa kutoa ofa ya pauni milioni 120 kwa mchezaji wa Chelsea Eden Hazard, 26.

Meneja wa Arsenal, Arsene Wenger amekana kuwepo tofauti kati ya mshambuliaji Alexis Sanchez, 29, na wachezaji wengine.

Meneja wa Manchester City Pep Guardiola, amekataa kukana kuwepo jitihada mpya kwa Sanchez baada ya Gabriel Jesus kupata jeraha wakati wa mechi dhidi ya Crystal Palace siku ya Jumapili.