Wanamuziki wa Bongo Fleva, Juma Jux na Vanessa Mdee wameweka wazi hali ya uhusiano wao kwa mashabiki baada ya kurudiana ambapo wameonekana wakiwa pamoja nchini Kenya.

Jux na Vanessa walikuwa kwenye uhusiano wa kimapenzi kwa miaka minne lakini walikuja kuachana miezi michache iliyopita huku sababu kubwa ya kuachana haikuwekwa wazi.

Vanessa na Jux walitawala vichwa vya habari wiki chache zilizopita baada ya tetesi kutawala kuwa wawili hawa wamerudiana baada ya kuonekana wakiwa na ukaribu usio wa kawaida katika tamasha la fiesta.

Wapendanao hao wameweka hadharani uhusiano wao kwenye mitandao ya kijamii na kuonyesha wazi mahaba yao mazito.

Siku ya mwaka mpya Jux na Vanessa walienda kwa pamoja nchini Kenya kufanya shoo lakini pia walihakikisha kuonyesha ulimwengu mzima mahaba yao mazito.