Mwanamuziki wa hip hop Bongo, Stamina anatarajia kuaga ukapera baada ya jana kumvalisha pete mpenzi wake wa siku nyingi ajulikanaye kwa jina Veronica.

Baada ya kumvalisha pete hiyo ya uchumba mwanamuziki huyo ametumia muda wake kumuandikia ujumbe mzito mwanamke wake huyo kupitia akaunti  yake ya Instagram.

Stamina ameeleza changamoto za mahusiano yao kwa ufupi. Kupitia ukursa wake wa mtandao wa Instagram Stamina ameandika;

Ameanza kwa kuandika “Safari yetu ilianzia mbali sana mpaka hapa tulipofikia,,na bado tunaenda mbali mbali zaidi ya tulikotoka,,umenivumilia mengi sana,,vikwazo na matatizo hapa kati tumepitia mengi sana ila bado tukasimama pamoja,,MUNGU ABARIKI KILA HATUA YETU KATIKA MAISHA YETU,,wanga hawakosekanagi katika hili swala ila wamechelewa maana tuna protein za kutoshaa.

Pia Stamina amewashukuru mashabiki wake na watu wake wa karibu kama Roma na mkewe, Nancy kwa kueleza wanamchango mkubwa katika hatua hiyo aliyofikia.