Mwanamuziki wa Bongo Fleva kutoka lebo ya WCB, Rayvanny amefunguka na kusema kuwa yupo tayari kuruhusu wasanii kuimba nyimbo zake jukwaani lakini kwa makubaliano maalumu.

Rayvanny amesema kuwa iwapo muhusika amefanya hivyo kutokana na mapenzi yake kwake ni sawa ila show isiwe ya kibiashara na iwapo ni hivyo kuwa na makubaliano maalum.

Mwanamuziki huyo amesema kuwa hakuna tatizo kwa mwanamuziki kuimba nyimbo zake kwani inaonesha jinsi gani anakukubali.

Pia amesema kuwa “Kama ananipenda ni shabiki yangu aimbe lakini siyo nipo kwenye show kabla sijapanda na yeye aimbe tena nyimbo zangu lakini akijisikia kuimba aimbe lakini siyo biashara analipwa hela anaenda ku-perform ngoma zangu atakuwa ananiibia”.

Kauli hiyo ya Rayvanny imekuja baada ya baadhi ya wasanii nhini kuimba nyimbo za wasanii wakongwe kwenye tamasha la fiesta.