Kocha wa Arsenal, Arsene Wenger amesema kuwa mshambuliaji Alexis Sanchez na kiungo wa kati Mesut Ozil hawatauzwa kwenye dirisha dogo la usajili licha ya kutosaini mikataba mipya.

Mikataba ya wachezaji hao wawili inamalizika mwishoni mwa msimu huu ambapo kuna uwezekano wa kuhama baada ya kumalizika kwa mikataba hiyo.

Wenga amesema kuwa Jack Wilshere pia anataka kusalia na klabu hiyo ya ligi ya Uingereza ambapo kuna uwezokano wa kuongeza mkataba mpya.

Mchezaji wa Uingereza Wilshere mwenye umri wa miaka 25, amekuwa akikumbwa na majeraha tangu alipoingia Arsenal 2008 huku akihudumu msimu wa mwaka 2016-17 kwa mkopo katika klabu ya Bournemouth.

Sanchez mwenye umri wa miaka 28 na Ozil mwenye umri wa miaka 29 ni viungo muhimu kwa klbau hiyo.

Mshambuliaji huyo wa Chile ambaye alisajiliwa kutoka Barcelona 2014 amefunga mabao 56 katika mechi 113, huku Ozil ambaye ni raia wa Ujerumani ameasisit mabao 45 tangu alipojiunga 2013 ikiwa ni zaidi mchezaji yeyote yule.