Mwanamuziki wa Bongo Fleva, Beka Flavour amesema kuwa baada ya Yamoto Band kusambaratika hapati msaada wowote kutoka Aslay.

Beka amesema kwenye kazi zake za sasa msanii mwenzake Aslay hajamsaidia kitu chochote, na hata yeye hajampa msaada wowote Aslay kwani kila mtu anapamba ili kuweza kusimama.

Amesema kuwa “Sijawahi kumuandikia nyimbo Aslay na wala yeye hajawahi kuniandikia, wala hajawahi kunisadia chochote, kila mtu anapambana na hali yake, ila mtu akiwa na kazi mpya tunasikilizishana, jana Aslay kanisikilizisha ngoma zake mbili ambazo hazijatoka”.

Hivi karibuni Beka Flavour ameachia kazi mpya ambayo inajulikana kwa jina la ‘Sarafina’ na kuwa msanii wa pili kutoka Yamoto Band kuachia kazi mara kwa mara wakiwa kama ‘Solo Artist’.