Jengo la Clouds Media leo limewaka moto majira ya asubuhi lakini chanzo cha moto huo bado akijajulikana.

Magari ya kuzima moto yalifika eneo hilo kwa ajili ya kuzima moto uliozua kizaa zaa katika ofisi cha chombo hicho cha habari.

Mkurugenzi wa vipindi na uzalishaji wa Clouds Media, Ruge Mutahaba amesema moto huo ulitokea bila ya mtu yeyote kuwa na taarifa nao ambapo ulianzia katika studio ndogo ya kurekodia.

Ruge amekishukuru kikosi cha Zimamoto kwa kufika haraka eneo la tukio na kuuzima moto huo. Pia amesema hakuna binadamu aliyepata madhara kutokana na tukio hilo.