Mwanamuziki wa Bongo Fleva, Lady Jay Dee amesema amekuwa akivutiwa sana na kazi anazofanya msanii anaekuja kwa kasi sasa aslay ambae amekuwa akitoa nyimbo kila kikicha na zimekuwa zikifanya vizuri sokoni.

Lady Jay Dee amesema kuwa kuna wakati unakuwa unaitaji kupumzika na kusikiliza muziki mzuri na mara nyingi amekuwa akishinda kutwa nzima akisikiliza muziki wa dogo aslay kwa sababu unamburudisha sana.

Amesema kuwa Mimi ni mwimbaji lakini hii hainifanyi mimi kushindwa kusikiliza kazi za watu wengine hata kidogo,ninahitaji burudani kutoka kwa wenzangu.kwa mfano ninaweza kutumia muda mwingi sana  wakati mwingine ninashinda hata kutwa nzima nikisikiliza muziki  wa aslay, anajua kuandika na  kuimba  kuimba nyimbo nzuri pia.

Lady Jay Dee ni mmoja wa wasanii wakongwe ambao wamekuwa katika game kwa muda mrefu na hajawahi kuwa mchoyo wa kusema kil wasanii wengine wanachofanya kama ni kizuri au kibaya.Hii hatakuwa mara ya kwanza kwa msanii lady jay dee kumsifia msanii huyo chipukizi ambae amekuwa akifanya vizuri anapokuwa jukwaani na nyimbo zake zimekuwa zikijulikana kila kona mpaka kwa watoto.

Hata hivyo Aslay ambae amekuwa akitoa nyimbo mfululizo  bila kuogopa kuchuja amesema kuwa kwa sasa amekuwa akitoa nyimbo mfululizo ili kutengeneza  album yake mwenyewe kwa sababu hawezi kuwa akiimba nyimbo za kundi ukizingatia kwa sasa amekuwa akifanya kazi  peke yake.