Mshambuliaji wa Taifa Stars, Simon Msuva amewaomba Watanzania kuendelea kuiunga mkono Taifa Stars, huku akiahidi kujituma zaidi ili kutowaangusha mashabiki.

Msuva amesema, mashabiki waendelee kuipa nguvu timu hiyo na wao kama wachezaji watajitahidi kuhakikisha wanapata matokeo mazuri.

Amesema kuwa “Mashabiki waendelee kuiunga mkono taifa stars kwani ndio timu yao na sisi kama mashabiki tutajituma kupata matokeo mazuri ili tuwafurahishe”.

Naye nahodha wa Taifa Stars Himid Mao Mkami amesema kuwa wameshatazama video za timu ya taifa ya Benin na wamejipanga vyema kwenda kuikabili na kuibuka na ushindi siku ya mchezo huo Novemba 12.

Taifa Stars inaondoka kesho alfajiri kuelekea nchini Benin kwaajili ya mchezo huo wa kalenda ya shirikisho la soka la kimataifa FIFA ambapo itakuwa bila ya nyota wake wa kimataifa nahodha Mbwana Samatta na Farid Mussa ambao ni majeruhi.