Klabu ya Manchester United ikiwa nyumbani katika dimba la Old Trafford imefanikiwa kuichapa Benfica 2-0.

Goli la kwanza liliingia baada ya mkwaju mkali wa Nemanja Matic kumgonga mgongoni goli kipa na kuingia wavuni.

Marcos Rashford aliyeingia kipindi cha pili aliongeza mashambulizi zaidi kwa upande wa Manchester United na kusababisha penalti ambayo ilifungwa vyema na Daley Blind.

Kwa matokeo hayo Man U inaongoza ikiwa na alama 12, huku Benfica ikiburuta mkia na alama 0.

Nayo klabu ya PSG ya Ufaransa iliendeleza ubabe kwa kuichakaza Anderlecht goli 5-0. Magoli ya  Veratti, Neymar na Hat-Trick kutoka kwa Layvin Kurzawa zilikamilisha salio la goli 5-0.

Bayern Munich nao wamepata ushindi mwembamba wa goli 2-1 ugenini dhidi ya klabu ya Celtic.

Matokeo mengine Barcelona wamelazimishwa sare tasa ya bila kufungana na klabu ya Olympiacos.

Chelsea wamekubali kipigo cha magoli 3-0 kutoka kwa AS Roma kwenye mechi iliyofanyika katika uwanja wa Olympical nchini Italia.