Mwana FA amesema kolabo ya Diamond na kundi la Morgan Heritage ni kitu kilichomvutia kwasababu ni shabiki wa kundi hilo.

Mwanamuziki huyo amesema kuwa kusikia kolabo hiyo kumeongeza mapenzi yake ya kimuziki kwa kundi hilo.

“Morgan Heritage ni miongoni mwa watu niliwasikiliza sana kwa miaka mingi, kama 2005/2006, nawasikiliza mpaka leo kama miaka 10, nawajua mpaka kwa majina ile familia.

“Kwa hiyo niliposikia wamefanya na Mbongo ilinivutia na niliposikiliza ngoma ni nzuri, ipo tofauti kabisa hata Diamond siyo yule ambaye tumemzoea, kwa hiyo ngoma kali. Mimi love yangu kwa Morgan Heritage naona wameichukua moja kwa moja kwenye huu wimbo” ameongeza.

Morgan Heritage ni kundi linalofanya muziki wa reggae kutoka nchini Jamaica na Diamond ameweza kuwashirikisha katika ngoma yake inayokwenda kwa jina la Hallelujah.