Mwanamuziki Mkongwe wa Bongo Fleva, Z’anto amedai kuwa wimbo wake mpya uitwao ‘kacheze Unakochezwaga’ ni wimbo mzuri na watu wategemee mambo makubwa.

Z’ Anto amedai kuwa hapo nyuma ameshawahi kuwashusha wasanii wakubwa kama Alikiba na Matonya kutoka kwenye chati na kuongoza yeye hivyo watu wategemee matokeo hayo hayo.

Amesema kuwa “Huu wimbo wangu mpya unaoitwa kacheze unakochezaga utaibua mengi lakini pointi yangu kuu ni kuufikisha ujumbe na ninachokiamini kuwa kila nilichokiongea humu ndani ni cha ukweli na ndo ninachokiamini so atakayeumia aumie lakini hali halisi ndo iko hivyo”.

Pia ameongeza kwa kusema kuwa “Wimbo huu umeelezea vitu vingi vinavyohusiana na maisha yangu binafsi kupotea kwangu katika gemu na kurudi kwangu na maisha ya sanaa ambayo yalikuwa yanaendelea kipindi mimi sipo katika gemu”.

Z’anto amesisitiza kuwa wimbo huo ni mzuri na wa kipekee na kama aliweza kuwatoa wasanii wakubwa kama Alikiba na Matonya waliokuwa wanatamba kipindi cha nyuma basi ana uhakika atawapita wasanii wengine.