Mkuu wa mkoa wa Dar es Salaam, Paul Makonda kesho anatarajia kuzindua uwanja wa klabu ya Ruvu JKT inayoshiriki Ligi Daraja la kwanza.

Uzinduzi huo wa uwanja ambao utafanyika Mbweni, jijini Dar es Salaam uzinduzi utakaofuatiwa na mchezo wao dhidi ya wauza mitumba wa soko la Ilala Ashanti United.

Akizungumzia uzinduzi huo Mwenyekiti wa klabu ya Ruvu JKT Canal Hassan Rashid alisema uwanja wao ambao watauzindua hiyo kesho umekamilika kwa kiwango cha awali walichopewa na Shirikisho la Mpira wa miguu Tanzania TFF na kuthibisha kuwa TFF wamesha kwenda kuukagua na kulidhika nao.

Klabu ya Ruvu JKT ilishuka daraja msimu uliopita  wa Ligi Kuu Tanzania Bara na sasa wanapambana kuhakikisha wanarudi tena kwenye ligi kuu msimu ujao.